Бугун Англия Пермьер-лигасида турнинг марказий ўйини деб эътироф қилинаётган, "Манчестер Юнайтед” ва Лондоннинг "Арсенал” жамоалари ўртасидаги учрашув бўлиб ўтади. Бир хафта олдин ҳам манкунианликлар Лондоннинг бошқа бир жамоаси - "Тоттенхэм”ни "хафа” қилиб жўнатишган эди. Шу сабаб бугунги ўйинга жамоа кўтаринки рух ила тушиши аниқ. Арсен Венгер жамоаси хам ЧЛ саралаш босқичида "Удинезе” устидан ғалаба қозонган холда, уларни хали кучли тўртликдан чиқариб ташлашга эрта эканлигини танқидчиларга эслатиб қўйишди. Хуллас, бизни бугун кечқурун, хар доимгидек кескин курашлар остида бўлиб ўтадиган учрашув кутиб турибди. Рақиб - "Арсенал" "Арсенал” бугунги кунда хавас қиларли холатда эмаслиги хаммага аён. Жамоани бир қатор етакчи ўйинчилар тарк этишди. Фримпонг, Сонг ва Жервиньолар аввалги учрашувлардаги қўполликлари сабабли ўйиндан четлаштирилган. Уилшир, Диаби, Гиббс, Скилаччи, Бендтнер каби асосий таркиб ўйинчилари жарохат олишган. Буниси етмагандай, Томаш Росицки хам жомадонларини йиғиштириб, Феликс Магат жамоаси ("Волфсбург”) томон йўлга чиқиш тадоригига тушиб қолганмиш. Бироқ, биз Арсен Венгернинг ёш ўйинчилардан ажойиб жамоа туза олишдек қобилияти борлигини яхши биламиз. Шундай экан, "тўпчилар” бугун яна бир бор ўз мавқеларини кўтариш учун астойидил ҳаракат қилишлари тайин. Улар осонликча таслим бўлишмайди! Ўзаро ўйинлар Бу рақибларнинг 214-чи учрашуви бўлади. Шу ўтган ўйинлардан 79 тасида "Арсенал", 88 тасида "Манчестер Юнайтед" ғалаба қозонган бўлса, 46 та ўйин дуранг билан якунланган. Жамолар ўртасида бўлиб ўтган охирги 8 та ўйиндан 7 тасида "Манчестер Юнайтед” ғалаба қозонган.
"Арсенал” АПЛ таснифида бўлиб ўтган охирги 18 та ўзаро учрашувлардан фақатгина 4 тасида ғалаба қозонган. Яна бир қизиқ статистика – ушбу ўйин сэр Алекс Фергюсон ва Арсен Венгернинг 46 чи қарама- қаршилиги. Хозирча вазият қуйидагича, Фергюсон – 20, Венгер – 19 ва 9 та дуранг. Таркиблар "Манчестер Юнайтед"
Қайдномадан ўрин олганлар:
Давид Де Хеа, Андерс Линдегор, Патрис Эвра, Фил Жонс, Рио Фердинанд, Андерсон, Димитар Бербатов, Уэйн Руни, Райан Гиггз, Хавьер Эрнандес, Крис Смоллинг, Пак Жи Сун, Майкл Кэррик, Нани, Эшли Янг, Дэнни Уэлбек, Фабио да Силва, Жонни Эванс, Федерико Македа, Маме Диуф, Том Клеверли, Даррен Флетчер Жароҳат олганлар: Майкл Оуэн, Антонио Валенсия, Рафаэль да Сильва, Неманья Видич
Майдонга тушиши шубҳа остида: Рио Фердинанд Ўйиндан четлатилганлар: Йўқ "Арсенал"
Қайдномадан ўрин олганлар:
Бакари Санья, Томас Вермален, Лоран Косьельни, Томаш Росицки, Робин ван Перси, Войцех Шчесни, Тео Уолкотт, Алекс Окслейд-Чемберлен, Аарон Рэмзи, Йохан Журу, Лукаш Фабиански, Андрей Аршавин, Карл Женкинсон, Маруан Шамах, Арман Траоре, Ре Мияичи, Генри Лэнсбери, Игнаси Микел Жароҳат олганлар: Никлас Бендтнер, Абу Диаби, Киран Гиббс, Себастьян Скиллачи, Жек Уилшер
Майдонга тушиши шубҳа остида: Косьельни Ўйиндан четлатилганлар: Эммануэль Фримпонг, Жервиньо, Александр Сонг
