СУДЛАШИБ ЮРГАН ОТА-ЎҒИЛ НИҲОЯТ, ЯРАШДИ! ЯРАШГАНИ РОСТ БЎЛСИН! МУҲАББАТ ШАМАЕВА ШОДИЁНАСИ ЭСА ЯХШИГИНА САБАБ БЎЛДИ!
Ниҳоят, ота-ўғил Ҳамдамовлар катта шов-шувлардан кейин ярашишга қарор қилган кўринади, ё тақдирнинг ишлари билан яна ўлаёзган меҳрга қайта жон беришга эришишди. Бобомурод Ҳамдамов ва унинг кенжа ўғли Шамсиддин Ҳамдамов ўртасидаги муносабатга айнан ўтган йиллар қишларининг бирида совуқ урганди. Шундай бери улар ўртасидан неча-неча қора мушуклар тугул ундан йирикроқ яна алланималар ҳам ўтишга улгурди. Оила парчаланиб кетишига сал қолди. Ота ўғлини судга берди. Ўғли бошини қаёққа уришини билмай ҳалак бўлди. Шамсиддин туҳматларга қолди, рафиқаси тинмай кўзёшлар тўкди..Хуллас, ойнинг ўнбеши қоронғу бўлса, ўнбеши ёруғ экан. Улар бир неча ойлар олдин тил топиша бошлашди. Шамсиддин Ҳамдамовг рафиқасининг айтишига қараганда, ота-ўғилларнинг яна қайта ярашишига, у туғиб берган эгизаклар сабабчи бўлган. Илиган муносабатлардан исбот сифатида уларнинг биргаликдаги сўнгги суратларидан бири ҳукмингизга ҳавола этилмоқда. Айтишларича, Ҳамдамовларнинг бу қадар яқинлигини Муҳаббат Шамаеванинг Тошкентдаги ижодий кечасидаги каби ҳали кўришмаган! Тилагимиз, энди муносабатлар ҳеч қачон дарз кетмасин!
"УЧРАШУВ" ПОЙТАХТИМИЗНИНГ ЭНГ ЙИРИК САВДО МАРКАЗИ - МЕГАПЛАНЕТДА КИНОМУХЛИСЛАРНИ УЧРАШТИРМОҚДА!
"Учрашув” фильми катта муваққақият қозонгач, пойтахтимизнинг энг кўркам супермаркети "Мегапланет”да ҳам намойишини бошлади. Мухлислар энди шу кўркам бинонинг шинам кинотеатрида учрашиб, "Учрашув”дан баҳра олишлари мумкин!
САРДОР РАҲИМҲОН ВА УНИНГ "ФАРЗАНДЛАР"И ИЖОДИДА НИМА ГАПЛАР?
Сардор Раҳимхоннинг янги альбоми Мустақиллигимизнинг 20 йиллигида мухлсиларга туҳфа этилади. Альбомда хонанданинг янги қўшиқлари билан бирга шогирдларининг хит тароналари хам жамланади. Дарвоқе, Раҳимхон продюсерлигидаги "Баён” гуруҳининг фан-клуби ташкил этилди. Ким шу гуруҳ ижодининг мухлиси бўлса, бемалол мухлислар сафига қўшилиб, уларнинг ижодидан яқиндан танишишлари мумкин. Ана шунақа гаплар!